იურისტთა პროფესიული გაერთიანებების, იურიდიული უფლებების სფეროში მოღვაწე არასამთავრობო ორგანიზაციების, და სახელმწიფო უფასო იურიდიული დახმარების სამსახურის ინსტიტუციური შესაძლებლობების გაძლიერება. მის პარტნიორთან, ევრაზიის თანამშრომლობის ფონდთან ერთად EWMI განახორციელებს საგრანტო პროგრამას, რომლის მიზანი იქნება სასამართლოების საქმიანობის მონიტორინგი, საზოგადოების განათლება და საქართველოს საზოგადოების შეჭირვებული ნაწილისათვის იურიდიული წარმომადგენლობის (დახმარების) უზრუნველყოფა.

პროექტი ასევე დაეხმარება არასამთავრობო ორგანიზაციების კოალიციას, რომელიც კოორდინირებას გაუწევს მიმდინარე ძალისხმევებს და პროექტის დასრულების შემდეგ ამ სფეროში საქმიანობის შემდგომი გაგრძელების დასაყრდენი იქნება. ამასთანავე EWMI კიდევ უფრო განამტკიცებს იურიდიული დახმარების სამსახურის ინსტიტუციურ შესაძლებლობებს მისი მონიტორინგის საბჭოს საქმიანობის ხელშეწყობის გზით.

მართლმსაჯულების ხელმისაწვდომობა გაძლიერებული იქნება გრანტების მეშვეობით, რომელთა მიზანი იქნება საქართველოს ახალგაზრდა იურისტთა ასოციაციისა და "საერთაშორისო გამჭვირვალობა – საქართველო"-ს საქმიანობის ხელშეწყობა ამ სფეროში.