მართლმსაჯულების დამოუკიდებლობის, ანგარიშვალდებულების და პროფესიონალიზმის გაძლიერება იუსტიციის უმაღლესი საბჭოს განვითარების ხელშეწყობის გზით, რომლის უფლებამოსილებაშიც შედის მოსამართლეთა დანიშვნა, დაწინაურება და მათთვის დისციპლინარული სანქციების დაწესება.

EWMI იუსტიციის უმაღლეს საბჭოსთან თანამშრომლობით შეიმუშავებს წერილობით პროცედურებსა და საქმიანობის შეფასების ინსტრუმენტებს მოსამართლეთა საქმიანობის შეფასებისა, დაწინაურებისა და დისციპლინარული სანქციების დაწესების შესახებ გადაწყვეტილებების განსაზღვრის მიზნით. გარდა ამისა, EWMI საბჭოსთან ითანამშრომლებს მისი საქმიანობის გამჭვირვალობისა და საზოგადოებასთან კავშირის გაუმჯობესების და სასამართლოებში ინფორმაციის ხელმისაწვდომობის დონის ამაღლების მიზნით.

პროექტის ამ კომპონენტის ფარგლებში EWMI ასევე შეუწყობს ხელს საქართველოს მოსამართლეთა პროფესიული მომზადების ცენტრის "იუსტიციის უმაღლესი სკოლის" გრძელვადიან მდგრადობისა და პროფესიული მომზადებისათვის საჭირო შესაძლებლობების გაძლიერებას.