24 თებერვალს, USAID/JILEP-მა, თბილისის სახელმწიფო უნივერსიტეტის დავების ალტერნატიული გადაწყვეტის ეროვნულ ცენტრთან, გაეროს საერთაშორისო სავაჭრო სამართლის კომისიასთან (UNCITRAL), არბიტრების პრივილეგირებულ ინსტიტუტის (CIArb) ევროპულ ფილიალთან და ICC საერთაშორისო საარბიტრაჟო სასამართლოსთან თანამშრომლობით ჩაატარა კონფერენცია სახელწოდებით: „თანამედროვე საკითხები კომერციულ არბიტრაჟში: საერთაშორისო და ქართული პერსპექტივები.“

კონფერენციაზე საერთაშორისო არბიტრაჟის ექსპერტებმა წარმოადგინეს პრეზენტაციები და გაუძღვნენ დისკუსიებს აქტუალურ საკითხებზე.  შედეგად, კომერციული სამართლის ადვოკატებმა, სამართლის პროფესორებმა და სტუდენტებმა გაიღრმავეს ცოდნა საერთაშორისო კომერციული არბიტრაჟის სფეროში. კონფერენციამ ასევე საშუალება მისცა მოქმედ ადვოკატებს პროფესიული ურთიერთობები დაემყარებინათ საერთაშორისო არბიტრაჟის წამყვან სპეციალისტებთან.

კონფერენციის შემდგომი ორი დღის განმავლობაში, თავისუფალი უნივერსიტეტის კომერციული სამართლის ეროვნულმა ცენტრმა უმასპინძლა პირველ საერთაშორისო იმიტირებული კომერციული არბიტრაჟის მოსამზადებელ ნაწილს, რომელშიც მონაწილეობა მიიღეს ექვსი სხვადასხვა უნივერსიტეტის სტუდენტებმა.  იმიტირებული კომერციული არბიტრაჟის მოსამზადებელი ნაწილის ჩატარების მიზანს წარმოადგენდა სტუდენტების მომზადება რეალურ შეჯიბრში მონაწილეობის მისაღებად, რომელიც გაიმართება მარტის ბოლოს ქ. ვენაში. მონაწილეთა რიცხვში იყვნენ გუნდები გერმანიიდან, ლატვიიდან, კოსოვოდან, ბელორუსიიდან და რა თქმა უნდა საქართველოს წარმომადგენლები. ღონისძიება ჩატარდა ინგლისურ ენაზე, არბიტრების როლს ასრულებდნენ პრაქტიკოსი ადვოკატები და სამართლის პროფესორები (ასევე ერთი ამერიკის საელჩოს წარმომადგენელი).