EWMI-ის შესახებ

აღმოსავლეთ-დასავლეთის მართვის ინსტიტუტი (EWMI) 1988 წელს დაარსდა. ის არის დამოუკიდებელი, არაკომერციული ორგანიზაცია, რომლის მიზანი მსოფლიოს მასშტაბით კანონის უზენაესობის, სამოქალაქო საზოგადოების და თავისუფალი ბაზრის განვითარებაა. ბიზნესში, სახელმწიფო მმართველობასა და სამოქალაქო სექტორში მდგრადი რეფორმების ხელშეწყობის მიზნით, აღმოსავლეთ-დასავლეთის მართვის ინსტიტუტი დაინტერესებულ მხარეებს სთავაზობს ტრენინგებსა და კონსულტაციებს და გასცემს გრანტებს. აღმოსავლეთ-დასავლეთის მართვის ინსტიტუტი თანამშრომლობს ადგილობრივ ორგანიზაციებთან, ადგილობრივ ხელისუფლებებთან და საერთაშორისო ორგანიზაციებთან და, იურიდიული, სამოქალაქო და ეკონომიკური ინიციატივების გზით, ხელს უწყობს წარმატებული და დემოკრატიული საზოგადოებების გაძლიერებას. უფრო დეტალური ინფორმაცია ორგანიზაციის შესახებ შეგიძლიათ იხილოთ მის ვებგვერდზე.

JILEP შესახებ

აღმოსავლეთ-დასავლეთის მართვის ინსტიტუტი (EWMI) საქართველოში ახორციელებს პროექტს „მართმსაჯულების დამოუკიდებლობისა და სამართლებრივი გაძლიერების პროგრამა“ (JILEP) - ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებულ ოთხწლიან ინიციატივას. JILEP საქმიანობა ოთხი ძირითადი მიმართულებით განისაზღვრება:

• მართმსაჯულების დამოუკიდებლობის, ანგარიშვალდებულების და პროფესიონალიზმის გაძლიერება იუსტიციის უმაღლესი საბჭოს განვითარების ხელშეწყობის გზით.
• იურისტთა პროფესიული გაერთიანებების, იურიდიული უფლებების სფეროში მოღვაწე არასამთავრობო ორგანიზაციების და სახელმწიფო უფასო იურიდიული დახმარების სამსახურის ინსტიტუციური შესაძლებლობების გაძლიერება.
• იურიდიული განათლების ხარისხის გაუმჯობესება აკრედიტაციის პროცესის გაუმჯობესების, პრაქტიკული უნარ-ჩვევების გამომუშავებაზე მეტად ორიენტირებული სწავლების ხელშეწყობის, ვიწრო სპეციალიზაციის კურსების დანერგვის ხელშეწყობისა და შეეთებული შტატების სამართლის სკოლებთან პარტნიორული კავშირების დამყარების გზით.
• კომერციული სამართლის განვითარება და შესაბამისი პრაქტიკის გაუმჯობესება